PROCIDA
Quanno se sceta ‘o Sole
ncoppo ‘a Chiaiolella
s’appicce ogni juorne
‘mmiezo ‘o mare ‘ na stella.
Se chiamma Procida
chesta piccerenella
‘a terra dà culture
addó’ ‘o tiempo s’è fermato
‘ncoppo ‘e mmura.
Quanno arrive ‘o puort d’’a Curricella
trase dint’ ‘a tela e ‘nu quadro antico:
pennellate ‘e culure
‘ncoppo a sti casarelle,
ca tutte abbracciate
scennene a mare allère
comme ‘e criature
‘Nu filo ‘ e viento smove ‘e panne spase
mmiez ‘e viche stritte,
addó sulo ‘o silenzio suspira
comme a ‘na varchetella a vela
‘ncopp a ‘na tavula ‘e cielo.
Addore ll’ aria ‘e ginestre e limune
e dint a stu schizzo ‘e paraviso
l’ anema se spoglia annura
e s’addorme ‘ncoppo all’acqua
comm’ ‘e rezze de’ piscature.
E guardanne’ stu pezzullo ‘e terra’ ncantato
se regne’ o core chianu chianu,
nun vulisse cchiú partì
pecché già’ te siente’ nnammurato.
Complimenti. Molto evocativa. Leggera come un alto di vento che sale dal mare
Bella, si avverte quel certo non so che.